الارشيف / اخبار عربية / مصر

توجيه عاجل من عبد الفتاح السيسي بشأن «التأمين على العمالة»: المهلة والقيمة (فيديو)

  • 1/2
  • 2/2

عالم نيوز - وكالات اشترك لتصلك أهم الأخبار

تحدث الرئيس عبدالفتاح عبد الفتاح السيسي، الخميس، خلال تدشين مدينة العلمين الجديدة، عن تأمين العمالة المصرية التي ليس لها مصدر دخل ثابت.

وقال عبد الفتاح السيسي، في مداخلته تعليقًا على حديث رئيس الوزراء عن وثيقة أمان للعاملين: «فكرة العمالة اللي ملهاش دخل ثابت حتى عند إصابة العمل في الفترة دي العامل ظروفه بتكون صعبة، حلنا جزء من المسألة».

وأضاف: «بحب ضمان تحقيق النتائج، لو النهاردة وزارة الإسكان متعاقدة مع شركات والهيئة الهندسية متعاقدة من الشركات، وإجمالي هذه الشركات مثلا 1000 شركة العاملين قد يصلو 2 مليون مقدرش أخد 500 جنيه ومش عايز أفرض حاجة، مقدرش أقول الـ1000 عامل الموجودين في الشركة دي يدفع لهم لـ2.5 مليون جنيه من الشركة دي مركزي وهو هيدخهم من العمال الموجودين معاه على مدى زمني مناسب كل شهر، كل العمال اللي في الشركة ضمنت أن متأمن عليها بشهادة أمان بأعلى رقم».

وتابع: «خلال 15 يوما، 2.5 مليار يتحطوا في البنوك عملت وثيقة تأمين لمليون عامل، ليه مبتحلموش بالقوة دي، ليه إية دا نص مليون في شركة بتشغل بـ50 مليون و100 مليون، لا ليه، أوعى حد من رجال الأعمال يزعلوا مني، بالمناسبة أوعو تصور أن الأجر فقط في الصلاة والصوم والحج والعمرة، تأمين حياة إنسان بسيط له أجر، اعتبر المبلغ دا صدقة جارية».

وذكر عبد الفتاح السيسي: «كان ممكن منبقاش في الوضع الأمن دا وكل اللي عندنا في مهب الريح، شوفنا نماذج ناس كانت أمنة مطمنة ومبقتش، ربنا حمانا وعفانا من كده، عايز مبلغ للمليون خلال 15 يوما، ازاي بقى يا كامل يا وزير فين الهيئة الهندسية، سلم المبلغ للبنوك وتتعمل الوثائق لوفيه مشكلة قولي، وزارة الإسكان شغالين معاكوا 2 مليون بـ2.5 مليار أو 5 مليار جنيه، الوثيقة اللي بتكلم عليها لو الحد الأقصى لكل الناس 2500 فيه مشكلة لشركات التأمين»، رد محافظ البنك المركزي: «مفيش مشكلة».

وأضاف عبد الفتاح السيسي: «الشركات تعمل قائمة بأسماء العاملين ويتم اعتماد القوائم ويتم تسلميها للبنك المركزي وتتعمل الوثيقة ويتم تسليمها للشركة والمواطن المعني».

وأردف عبد الفتاح السيسي قائلا: «خاطر ربنا خاطر كبير أوى ياريت نعمل حاجة لأجل خاطر ربنا، بنعمل حاجات كتير أوي بنزعل على العمرة والحج دا إسعاد الناس ده أجره كبير أوي».

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا