الرياضة

في ذكرى مذبحة بورسعيد.. والدة الشهيد كريم أحمد: «مستنياك في المنام» (فيديو)

  • 1/8
  • 2/8
  • 3/8
  • 4/8
  • 5/8
  • 6/8
  • 7/8
  • 8/8

عالم نيوز - وكالات شاهد أخبار الدوريات في يوم .. اشترك الآن

في الذكرى السادسة لمذبحة بورسعيد، التقت «المصري اليوم»، ضمن سلسلة «افتكروهم وزوروهم»، أسرة المشجع كريم أحمد، ابن محافظة بورسعيد، شهيد المذبحة التي أنهت حياة 72 مشجعًا.

في البداية قالت والدة كريم: «وحشتني أوي يابني، بجيلك وباستريح وأنا عندك.. بس نفسي أشوفك زيي زي أي أم نفسها ابنها يبقى معاها، بس أنت في مكان أحسن من اللي إحنا فيه».

وأضافت: «مش ناسياك وحاسة إنك معايا، إحنا مبنسبش بعض ولا هنسيب بعض، حتى أصبح بجانبك، ربنا يرحمك ويغفر لك، وياريت تزورني وتيجي لي في المنام عشان وحشتني أوي، مطمئنة عليك يا حبيبي وعلى مكانتك، ووضعك عند ربنا».

وتابعت: «كان زمانك متزوج، ولديك أطفال، وكنت سأصبح جدة وكان زمان عيالك حواليا، لكن لارد لقضاء الله».

وقالت: «بقالنا 6 سنين مستنيين، ونتمنى تنفيذ قرار المحكمة، عايزين نرتاح، عشان تعبانين وموجوعين، إحنا تعبنا خلاص، عايزين أحكام عشان نرتاح نفسيًا، مش نسياك يابني، هنفضل ورا حقك ولن ننساكم وذكراكم ستظل في القلوب، 6 أعوام مضت وحق ابني لسه مجاش، ولسه بنجري وراه لحد دلوقتي، نفسنا نشوف حقهم قبل ما نموت عشان نحس إننا في قانون وعدالة».

وأضافت: «محمد سراج الدين، عضو مجلس إدارة الأهلي الحالي، هو الوحيد الذي على تواصل بيننا، منذ اندلاع الحادثة حتى الآن، لم يتخلَ عنا للحظة ما، مبعدش عن الموقف نفسه، كان يزورنا في أفراحنا ويواسينا في أحزاننا، وكان يقف بجانبنا في عز أزماتنا، هناك لاعبين كثيرين وأعضاء مجلس إداراة كانوا يتواصلون معنا، لكن بعد مرور السنين، الذكرى تنتهي سريعًا، وإحنا بنتنسي وأولادنا بتتنسي، والمذبحة نفسها بتتنسي».

واختتمت: «أتذكر جيدًا آخر مكالمة بيننا أثناء استقلاله قطار رمسيس متجهًا إلى بورسعيد، قال لي: متقوليش لخطيبتي يا ماما أنني رايح ماتش الأهلي في بورسعيد، عشان هي بتخاف عليا، ومش عايز أقلقها، وهتزعل لو عرفت إني سافرت».

والدة كريم أحمد، شهيد مذبحة بورسعيد
والدة كريم أحمد، شهيد مذبحة بورسعيد
والدة كريم أحمد، شهيد مذبحة بورسعيد
والدة كريم أحمد، شهيد مذبحة بورسعيد
والدة كريم أحمد، شهيد مذبحة بورسعيد
والدة كريم أحمد، شهيد مذبحة بورسعيد
والدة كريم أحمد، شهيد مذبحة بورسعيد

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا